Caja Rural de Navarra
Aholkulari
Finantza-merkatuen egungo konplexutasunak kudeaketa malgua eta dinamikoa eskatzen du. Nafarroako Rural Kutxan adituak ditugu, aholkuak emango dizkizutenak (*); izan ere, zure ezagutzetara, eskarmentura, finantza-gaitasunera eta inbertsio-helburuetara hobekien egokitzen den inbertsioa gomendatuko dizute.
Gainera, gure aholkularitzak* zure funts-zorroaren egokitasunaren ebaluazioa barne hartzen du, gutxienez urtean behin, egiaztatzeko zure inbertitzaile-profilera egokitzen ote den; bidenabar, zuretzat egokienak diren produktuak gomendatzeko konpromisoa hartzen dugu. Bestalde, baloreei buruzko aholkularitza- zerbitzu telefonikoa erabiltzeko aukera ere eskaintzen dizu entitateak; zerbitzu horren bidez, entitatearen beraren altxortegia kudeatzen duten Rural Kutxa langileek akzio-salerosketei buruzko aholkularitza emango dizute, aurrez aurre edo telefonoz.
(*) 2014/65/EB Zuzentarauaren definizioen arabera, aholkularitza hori “ez-independentea” modalitatean ematen da.
Zerbitzu honen abantaila nagusiak:
-
Erabakiak hartzeko orduan laguntzen diogu bezeroari.
-
Bezeroak produktu- eta zerbitzu-sorta zabala du eskura. Inbertsio-funtsei dagokienez, funts propioen aukera zabala dugu; Rural Kutxa Taldeko kudeatzaileak (Gescooperativo) sortu ditu funtsak. Ranking nazionaleko lehen postuetan dagoen kudeatzaile bat. Era berean, ospe handiko nazioarteko kudeatzaileen funtsen sorta zabala merkaturatzen dugu.
-
Inbertsioen segimendu jarraitua.
-
Aldizkako bilerak bezeroarekin.
-
Posizioei buruzko eguneroko ondare-txostena, Ruralvía Banka Digitalaren bidez; inbertsioen errentagarritasunari buruzko informazioa ematen da modu global eta indibidualizatuan.
-
Bezeroak urtean zehar izandako posizioei buruzko eguneroko txosten fiskala, Ruralvia Banka Digitalaren bidez.
-
Bezeroak, aholkulari-zerbitzuaren bidez egindako inbertsioak saldu nahi izanez gero, izango lukeen eragin fiskala egunero simulatzeko aukera.