Segurtasuna txarteletan eta dendetan

Goza itzazu Nafarroako Rural Kutxako txartelek ematen dizkizuten abantaila guztiak erabateko segurtasunez, hala zure erosketak denda fisikoan egitean nola erosketak denda elektronikoan egitean.

Erabilera gomendioak

• Sinatu zure txartela atzealdean, huraxe jasotzean.

• Ikasi buruz zure PIN zenbakia eta ez erabili zenbaki bera txartel guztietarako. Gure edozein kutxazainetan edota ruralvía bidez alda dezakezu.

• Zure txartel berritua bidaltzen dizugunean, suntsitu iraungia.

• Egiaztatu aldian behin zure kontuko laburpenak eta gorde zure erosketa ordainagiriak.

• Gaitu txartelen alerta zerbitzua eta istantean izango duzu egiten dituzun mugimendu guztien berri, hala erosketak egitean nola dirua ateratzean.

• Ez baduzu Internet bidez erosketarik egiten, eskatu zure bulegoan kentzeko zure txarteletik onlineko erosketa aukera. Horrela, zure txartelak denda fisikoan bakarrik egiten ahalko ditu erosketak.

• Lortu zure txartelen kontrola, kutxazainetik dirua ateratzeko edo erosketak egiteko zure txartelek duten eguneroko mugak kudeatuz. Ruralvíatik edo zure bulegoan egin dezakezu.

• Sala ezazu zure kontuan oker egin dizuten edozein zordunketa.

• Txartela galtzen baduzu edo lapurtzen badizute, jar zaitez berehala harremanetan zure bulegoarekin edo deitu:

• Espainiatik deitzen baduzu: 91 334 67 82 | 900 822 671 (doako telefonoa)

• Atzerritik deitzen baduzu: +34 91 334 67 82  | 900 822 671 (doako telefonoa)

Era berean, zuk zerorrek blokatu dezakezu txartela Ruralvíatik, Internet bidezko Bankatik edo Mugikorraren bidez, Txartelen menuan sartuta, Blokeoa aukera sakatuz.

Aseguruak

Zure eragiketen segurtasunik handiena ziurtatzeko, txarteletan eta iruzurrari aurrea hartzeko sistemetan dauden teknologiarik aurreratuenez gain, Nafarroako Rural Kutxako txartelek IRUZURREZKO ERABILERA ASEGURUA ere badute.

Gure txartel guztiek DOAKO aseguru hori dute, diru galerak estaltzeko, hots, txartela lapurtu edo galdu izanak hartan iruzurrez egindako zordunketen ondoriozko diru galerak estaltzeko.

(*) Kontsultatu baldintzak orokorrak, partikularrak eta bereziak zure ohiko bulegoan.

Ordainketa segurua Internet bidez

Nafarroako Rural Kutxak online egiten dituzun erosketen segurtasuna sendotu du INTERNET BIDEZKO ORDAINKETA SEGURUA zerbitzuarekin.

Zerbitzu honekin, Interneten segurua den denda batean erosketa bat hasten duzun bakoitzean (denda “Verified by Visa” edo “Mastercard Secure Code” ezaugarriekin egongo da identifikatua), zenbakizko gako bat jasoko duzu zure mugikorrean; zenbaki hori online dendaren webean idatzi beharko duzu, erosketa kautotzeko.

Erosketak denetariko online dendetan egiteko, zerbitzu hauek ere jarri ditugu zure eskura:

• Txartela birtuala, Interneten soilik erabiltzeko eta 3.000€-ra bitarte kargatu daitekeena, zure kontu korrontetik deslotua, eta ez dituzu sarean eman beharko zure ohiko txartelen datuak. Eta ez baduzu Internet bidez erosketarik egiten, eskatu zure bulegoan kentzeko zure txarteletik onlineko erosketa aukera. Horrela, zure txartelak denda fisikoan bakarrik egiten ahalko ditu erosketak.

Alerta Zerbitzua

Gaitu txartelen alerta eta ISTANTEAN IZANGO DUZU EGITEN DITUZUN MUGIMENDU GUZTIEN BERRI, zure mugikorrean edo posta elektronikoan mezu bat jasoko baituzu, erosketa bat eginten duzun bakoitzean edo dirua ateratzen duzun bakoitzean.

Zuk erabakitzen duzu zer alerta mota jaso nahi duzun:

• SMS alerta

• Mail alerta

• Abisuak mugikorretara (PUSH jakinarazpenak)

Alta hartu nahi baduzu SMS ALERTETAN EDO MAIL-EN, Ruralvíako Zerbitzuak izeneko erlaitzetik egin dezakezu zuzenean edota zure ohiko bulegoan.

Eta zure SAKELAKOAN JAKINARAZPENAK ISTANTEAN jaso nahi badituzu, erabat doan, aski duzu Abisuen Zerbitzua gaitzea zuzenean ruralvía mugikorraren gure aplikaziotik, honako urrats erraz hauei jarraituz:

1. Gaitu zerbitzua aplikazio mugikorrean, “Abisuak” ikonotik.

2. Eman alta txartelen alerta ruralvíako web bertsioan, “Zerbitzuak” erlaitzean, “Abisuak mugikorrera” aukeran.

Oraindik ez baduzu eskuratu ruralvía mugikorraren zure app-a, jaitsi ezazu Apple Store-n edo Google Play Store-n.

Nafarroako Rural Kutxak, gainera, zure eragiketen segurtasuna zaintzen du, iruzurrari aurrera hartzeko tresnak erabiliz, eragiketa susmagarriak atzematen baitituzte, eta zuri alerta bidaltzeko aukera ematen digute komunikazio pertsonalizatu baten bidez, baldin eta baimenik gabeko erabileraren edo iruzurrezkoaren susmoa baldin bada.

Merkataritza Elektronikoa

Ahalik eta segurtasun elementurik gehienak eskaintzea gure dendei eta haien bezeroei, horixe dugu gure lehentasunetako bat.

Nafarroako Rural Kutxak dendei eskaini eta TPV Birtual bat jartzen du haien eskura, ordainketak internet bidez egiteko, zure dendako bezeroen kautotze sendoa ahalbidetze aldera. Helburua da bezeroak merkataritza seguruarekin funtziona dezala eta segurtasun neurria guztiak izan ditzala bere eskura, internet bidezko eragiketetan bermerik handienak eskaintzeko.

Gure TPV Birtualak segurtasun handia ematen du, bai eta babes handia ere, ordainketetan, Verified by Visa eta MasterCard SecureCode nazioarteko protokoloak aplikatzen baititu (biak ere 3D Secure teknologian oinarrituta).

Gure terminal guztiek, gainera, PCI-DSS segurtasun araudia betetzen dute, zeinaren bidez segurtasuna bermatu nahi baita txartel bidezko ordainketei loturiko informazioaren tratamenduan.