Nazioarteko Abalak

Zure beharren araberako nazioarteko bermeak bidaltzen lagunduko dizugu, betiere gure espezialisten aholkularitzarekin, eta “Eskaeraren Bermeetarako Arau Uniformeak (URDG 758) eta Nazioarteko Merkataritza Ganberaren gainerako argitalpen osagarriak (adibidez, “Eskaeraren Bermeak Igortzeko Inprimaki ereduak” eta “Stand-by kredituetarako Nazioarteko Praktikak - ISP98) aintzat harturik. 

Inportazioko zure negozioaren ezaugarrien arabera zure enpresak nazioarteko bermeak jasotzen baditu, edukia interpretatzen lagunduko dizugu, seguru egon zaitezen ez duzula izango ezusteko desatseginik. 

`Bermatzaile’ deritzon kreditu-entitate baten konpromisoa da banku-bermea, eta horren arabera, beste pertsona fisiko edo juridiko batek hirugarrenen aurrean dauzkan konpromisoak edo betebeharrak betetzeko konpromisoa hartzen du bere gain, bere obligazioa balitz bezala. Azken batean, abal-emaileak zenbateko jakin bat ordaindu behar du abal-hartzailearen kontura ‘onuradun' deritzon hirugarrenak hala eskatuz gero eta bermean exijitutako baldintzak bete ez baditu eta abal-hartzaileak kontratuaren araberako obligazioak edo ordaintzekoak bete ez dituela egiaztatzen bada. 

Nafarroako Rural Kutxa zurekin dago, behar duzunean babesteko, gure laguntza emanez abalak eta/edo nazioarteko bermeak jasotzen eta bidaltzen. 

• Noizean behingo eragiketak eta merkataritza-transakzio arruntak eta aldirokoak estaltzeko erabili daitezke. 

• Erraztu egiten du esportatzailearen eta inportatzailearen arteko harremana, dokumentuak zuzenean bidaltzen direlako euren artean eta ordainketak bide samurragoen eta merkeagoen bidez egiten direlako (funtsean transferentziak, txekeak eta bidalketa bakunak). 

• Onuradunak badaki kobratu egingo duela zor zaion zenbatekoa, eskatzen zaion dokumentazio zehatza aurkezten badu bermearen baldintzei jarraiki. 

• Abal-hartzailearentzat, “lehen eskaerako” bermeen kasuan, onuradunak ordainketa eskaera bat egitea ez betetzerik gertatu gabe.

• Onuradun esportatzaile batentzat, bermeak estaltzen duen zenbatekoa baino balio handiagoko salgaiak bidaltzea. 

• Abalaren onuradunarentzat, iraungitze data behar bezala ez kontrolatzea. 

• Onuradunarentzat, bermea gauzatzeko aldez aurretik ezarritako baldintzak behar bezala ez betetzea. 

1.  Lehen Eskaeraren aurreko bermea (Letter of Indemnity / Payment Guarantee) 

• Helburua: Ondasun edo zerbitzu jakin batzuk hornitzeagatik sortutako zenbatekoen ordainketa bermatzea, transakzio bakar baten bidez edo denbora tarte luzeago batean hainbat igorpen edo prestazio estaltzen dituen kontratuaren bidez. 
• Gauzatuko da: Behin salgaia bidali edo prestazioa eman ondoren, dagokion ordainketa jaso ez dela idatziz azaltzen duen adierazpena aurkeztean. 
• Bermatutako zenbatekoa: Aldakorra.
• Iraunaldia: Zorra erabat kitatzeko aurreikusitako azken ordainketa-data ondorengo egun batzuk igaro arte (eskuarki beste bi aste). 

2. Ordainketa Aurreratua bermea (Advance Payment Guarantee) 

• Helburua: Esportatzaile batek sarritan eskatzen dio bere bezeroari ordainketa aurreratu bat egin dezala salgai bat fabrikatzeko, salgaia fabrikatzeko prozesua finantzatu behar delako, edo haren bidalketa finantzatzeko. Horretarako, oso ohikoa da inportatzaileak berme bat eskatzea saltzaileak kontratua betetzen ez badu itzultzea estaltzeko. Dokumentu-kredituekin lotzen da. 
• Gauzatuko da: Adostutako salgaiak bidaltzen ez badira edo kontratuan jasotako beste betebehar batzuk betetzen ez badira.
• Murrizketak: Egiten diren bidalketen proportzioan. 
• Bermatutako zenbatekoa: Aurreratutako ordainketaren zenbatekoa. 
• Iraunaldia: Aurreratutako ordainketa jasotzen den egunetik hasita kontratua erabat betetzeko aurreikusitako azken egunaren ondoko egun batzuk igaro arte (eskuarki bi aste). 

3. Lizitazio-bermea (Bid Bond) 

• Helburua: Lizitazio publiko batekin lotuta eskatu ohi da. Enpresa batek aukera edo proiektu bat lehiaketa batean aurkezten duenean, ‘bid bond’ bat aurkeztea eskatzen zaio eskaintzarekin batean. 

• Gauzatuko da:

  • Enpresak eskaintza baztertzen baldin badu iraungi baino lehen.

  • Behin esleitu ondoren, abal-hartzaileak kontratua onartzen ez baldin badu. 

  • Behin kontratua sinatu denean, “perfomance bond” batez ordezkatzen ez baldin bada. 

• Bermatutako zenbatekoa: oro har, kontratuaren zenbatekoaren % 5 eta % 10 artekoa. 

• Iraunaldia: kontratua sinatu arte (eskuarki hiru eta sei hilabete bitarte).

4. Gauzatze-bermea (Performance Bond) 

• Helburua: kontratu baten baldintzak beteko direlako berme gisa eskatzen da. 
• Gauzatuko da: Onuradunaren aburuz agindu-emaileak bete ez dituenean edo guztiz bete ez dituenean kontratuzko obligazioak. 
• Bermatutako zenbatekoa: Eskuarki kontratuaren zenbatekoaren ehuneko 10. 
• Iraunaldia: Kontratua guztiz betetzen den arte. Kontratuan makineria, lanak edo materialak aintzat hartzen direnean, behar bezala funtzionatuko dutela bermatzeko epe bat kontuan hartzen da. Bi urte eta gehiago iraun dezake. 

5. Stand-by dokumentu-kreditua 

Dokumentu-kreditu bat bezala artikulatzen den arren, funtsean abal bat da ‘Stand-by’, izan ere, hortxe dago, "ezkutuan", merkataritza-transakzioaren baldintza guztiak egoki betetzen diren bitartean, eta ez da baliatzen inportatzaileak bere ordaintzeko obligazioa betetzen ez duen arte. 
 
Dokumentu-kreditu hauetan, dokumentu-aurkezpenak ez du inportatzaileak norako portutik salgaiak jaso ahal izatea xede, jatorrizko dokumentuak zuzenean bidaltzen baitizkio esportatzaileak inportatzaileari, eta beraz, salgaiak nahi bezala jaso baititzake inportatzaileak. 
 
Stand-by dokumentu-kredituan kopiak edo fotokopiak aurkezten dira esportatzaileak bere obligazioak bete dituela egiaztatzeko, eta kopia horiekin batean jatorrizko beste ziurtagiri bat aurkezten da inportatzaileak bere ordainketa-obligazioak aurreikusitako epeetan bete ez dituela adieraziz. 

• Helburua: Ordainketa bermatzen du salgai jakin bat bidali edo zerbitzu jakin bat eman ondoren, horiek ordaintzeko unea iritsita, ordainketa adostutakoaren arabera egiten ez denean. Dokumentuen bidez egiaztatu beharreko merkataritza-baldintzak jasotzen ditu. 
• Gauzatuko da: Emandako ondasunen edo zerbitzuen ordainketa betebeharren atalean aurreikusitako datan egiten ez denean. 
• Murrizketak: Egiten diren negoziazioen proportzioan. 
• Bermatutako zenbatekoa: Aldakorra. 

Eragiketa hauen jaulkipenak arriskua dakarkio Nafarroako Rural Kutxari, eta horrexegatik eduki behar da dagokion lerro baimendua.